മൗനം

എന്റെ മൗനം നിശ്ശബ്ദമല്ല
വാചലമാണ്.
അതിന്റെ ഒച്ചയിൽ ഞാൻ
മൂകനാണ്.
നിന്റെ വാക്കുകൾക്കോരോന്നിനും
പ്രത്യുത്തരമില്ല.
എന്തെന്നാൽ അവയ്ക്കു
അർത്ഥമുണ്ടാകില്ല.
വിശദീകരിച്ചു, വെളിപ്പെടുത്തി
പുണ്യാളനാകേണ്ട.....
എനിക്ക് പുണ്യാളനാകേണ്ട.

പാപത്തിയന്റെ ഭാരം എന്നിൽ
നിറയട്ടെ.
കോപത്തിൻ അഗ്നി എന്നിൽ
തെളിയട്ടെ.
ശിക്ഷതൻ ശാപം എന്നിൽ
നുരയട്ടെ.
മരണത്തിൻ സൗന്ദര്യം ഞാൻ
നുകരട്ടെ.
ഇനിയെന്നും നുകരട്ടെ.

പാതാള പാശത്താൽ മുറുകുന്നു
ദേഹം.
തീരാത്ത വ്യഥയാൽ ഉരുകുന്നു
ഉള്ളം.
അറിയാത്ത തെറ്റിനു ഇതുതാനോ
ശിക്ഷ.
അറിയുന്ന ശരികൾക്ക്‌ എവിടെന്നാ
രക്ഷ.
എവിടുണ്ട് രക്ഷ.