നിമിഷം

പറയാതെ അറിയാതെ നീ മാഞ്ഞു പോയി
അറിയാതെ അകലത്തിൽ ഞാനേകനായി
നീ പോയ വഴിയിൽ ശോശന്ന പൂത്തോ
നീ ചെന്ന നഗരിയിൽ പുതുമഞ്ഞു പെയ്തോ?

നീയിന്നീ ഭൂമിയിലൊരു പൂഴിയായി
നാളെയാവാനിൽ നീ താരമാകാൻ.
ഇടനെഞ്ചു പൊട്ടി ഉരുകുന്നു ഞാനും
ഇടറാതെ കരയുന്ന മമസുതാനെയോർത്തും


ഓർമ തൻ നോവിൽ ഉറയുന്നു ഞാനും
ഇനിയേകനായി ഈ പന്ഥാവിലെന്നും
വിട ചൊല്ലും മുൻപേ നീയെന്തേ പോയി
സഖി, വിട ചൊല്ലും മുൻപേ നീയെന്തേ പോയി?